فريق تسويق بيفكّر زي صاحب البيزنس

بدأت ScaleVision سنة 2023 من ملاحظة بسيطة: أغلب الشركات في مصر بتصرف على التسويق من غير ما تعرف الفلوس دي بترجع بكام. حسابات بتنشر كل يوم، وإعلانات شغالة، وفي الآخر مفيش رقم واضح يقول إن ده اشتغل ولا لأ.

فقررنا نشتغل بطريقة تانية. كل مشروع بيبدأ عندنا بسؤال واحد: إيه الرقم اللي عايز تحرّكه؟ وبعدها نبني الخطة كلها — المحتوى، التصميم، الإعلانات، الموقع، وحتى الأتمتة — حوالين الرقم ده.

النهاردة بقى عندنا فريق متكامل من مخططي الاستراتيجيات والمصممين وصنّاع المحتوى ومديري الحملات والمطوّرين، ونفّذنا أكتر من ٤٥ مشروع في قطاعات مختلفة من المطاعم والمتاجر الإلكترونية للعيادات والعقارات والتعليم.

وأهم حاجة بالنسبالنا إننا فريق تقدر تعتمد عليه، مش مورّد بتبعتله ملف كل شهر. بنقولك بصراحة لما حاجة مش هتشتغل، وبنفضّل نخسر صفقة على إننا نبيعلك حاجة مش محتاجها.